ایم کیو ایم اور تحریک انصاف

میرے ایک دوست نے مندرجہ ذیل نکتے اٹھائے ہیں، پلیز کوئی بھائی مجھے ان کا نکتہ وار جواب دیں تا کہ میں اس کے منہ پر مار سکوں- وہ ہر وقت کوشش کرتا رہتا ہے نون لیگ اور باقی جماعتوں کو غلط اور صرف تحریک انصاف کو درست ثابت کرنے کی، شکریہ

ان لوگوں کے لئے جو ایم کیو ایم کی ہڑتالوں کا تحریک انصاف کی ہڑتالوں سے تقابل کر رہے ہیں

- ایم کیو ایم نے کتنی بار ہڑتال کرنے سے پہلے ڈیڑھ سال تک عدالتی نظام سے انصاف حاصل کرنے کی کوشش کی؟

- ایم کیو ایم نے ہڑتال کرنے سے پہلے کتنی بار انصاف کی تلاش میں سو دن کا دھرنا دیا ہے؟

- ایم کیو ایم نے ہڑتال کرنے سے پہلے کتنی بار ملکی سطح پر تقریبا ہر چھوٹے بڑے شہر میں تاریخ کے سب سے بڑے جلسے کیئے ہیں انصاف کے لئے؟

- ایم کیو ایم کے قائد نے کتنی بار عوام سے محض "ایک دن" کے کچھ گھنٹوں کی ہڑتال کے لئے معذرت کی ہے؟

- ایم کیو ایم کی ہڑتال آج تک کتنی بار بغیر کسی قتل و غارت اور لاشیں گراۓ بغیر سو فیصد پرامن انداز میں ختم ہوئی ہے؟

- ایم کیو ایم نے آج تک کتنی بار دھاندلی جیسے قومی مسلے پر ہڑتال کی ہے؟

- یاد رہے دھاندلی تحریک انصاف کا ایشو نہیں پاکستان کا ایشو ہے- جمہوریت میں لٹیروں کو سزا دینے کا واحد پرامن طریقہ الیکشن ہیں اور اگر وہی صاف و شفاف نا ہوں تو جمہوریت ختم ہو جاتی ہے-

- وہ لوگ جو کہہ رہے ہیں کہ ایم کیو ایم کی دھاندلی کے بارے میں بات کیوں نہیں کی وہ اپنے تعصب میں یہ بھول رہے ہیں کہ جب بھی دھاندلی کی انکوائری شروع ہوئی تو وہ صرف پنجاب یا نون لیگ تک محدود نہیں رہے گی بلکہ وہ سندھ، کراچی، کے پی کے اور بلوچستان میں بھی ہو گی- اس لئے اس اعتراض کی کوئی منطقی وقعت باقی نہیں رہتی- یہ تحریک انصاف کی تزویراتی چال تو کہلائی جا سکتی ہے مگر اس کی وجہ سے آپ کوئی الزام تراشی نہیں کر سکتے

- اسی مشترکہ خطرے کی وجہ سے تمام جماعتیں سسٹم اور جمہوریت بچانے کے نام پر متحد ہو گئی ہیں تا کہ سٹیٹس کو نا ٹوٹ سکے- ایک بات اور یاد رہے کہ دھاندلی ہمیشہ وہ جماعتیں کروا سکتی ہیں جو الیکشن سے پہلے حکومت کر چکی ہوں، ہر ادارے میں اپنے بندے گھسا چکی ہوں، جو جماعتیں حکومت میں نا ہوں ان کے خلاف دھاندلی ہوا کرتی ہے اور اگر وہ اس کے باوجود جیت جائیں تو وہ اپنے خلاف ہونے والی دھاندلی کے باوجود الیکشن جیتتی ہیں- گزشتہ انتخابات میں ایسی جماعتوں کی مثالیں کے پی کے میں تحریک انصاف کی سیٹیں ہیں

- الطاف بھائی کی مجبوری تھی کہ معاملات پرتشدد رخ اختیار نا کریں کیونکہ انکو یاد تھا کہ گیارہ مئی کو ہونے والے احتجاج کے بعد لندن بھی ان کے لئے محفوظ نہیں رہا تھا- تحریک انصاف کے بیرون ملک موجود پڑھے لکھے سپورٹرز نے لندن میٹرو پولیس میں کالز کر کر کے جو حشر کیا تھا وہ ابھی بھولے نہیں ہوں گے بھائی صاحب

-ایک اور نکتہ یہ ہے کہ اگر کراچی میں کوئی بھی جلسہ یا ہڑتال بھائی کی آشیرباد کے ساتھ ہوتی ہے تو پھر لاڑکانہ کا جلسہ پیپلز پارٹی، لاہور، فیصل آباد اور گجرانوالہ وغیرہ کے جلسے نون لیگ کی آشیر باد اور مولانا فضل الرحمن کے سگے بھائی اور بیٹے کا اپنی آبائی سیٹ ہار جانا مولانا فضل الرحمن کی آشیر باد اور میاں صاب کا ہزارہ میں ہونے والا جلسہ تحریک انصاف کی آشیر باد اور جماعت اسلامی کا کراچی میں گزشتہ اور آئندہ ہونے والا جلسہ ایم کیو ایم کی ہی آشیرباد کے ساتھ ہو گا

- آخری نکتہ یہ ہے کہ کیا عوام نے ایم کیو ایم کی ہڑتالوں کے دوران لاشیں اور تحریک انصاف کی خون کا ایک قطرہ بہائے بغیر ہڑتال میں فرق محسوس نہیں کیا ہو گا؟ اس کا دور رس اور حقیقی فائدہ ایم کیو ایم کا ہو گا یا تحریک انصاف کا؟ گزشتہ انتخابات میں تمام تر زور، زبردستی اور جبر کے باوجود کراچی کی دوسری بڑی جماعت تحریک انصاف بن کر ابھری ہے- کیا ایم کیو ایم کبھی بھی اپنے وجود کی ضامن انتخابی مناپلی کو برضا و خوشی خطرے میں ڈالے گی؟